நீ எனக்கு இஸ்ர தேவதை...!!!

சொப்பனத்துப் பூங்குயிலே

சொந்தமான தாமரையே

அற்புதங்கள் புரிவதிலே - நீ

அமுதரசக் கிண்ணமடி

கற்பனைக்கு உகந்தது போல்

கழி நடனம் புரிந்து என்னை - காமனவன்

பண்டிகைக்கு தினம் அனுப்பி வைப்பவளே

சொற்பனங்கள் ஏன் உனக்கு 

தப்பாய்த் தோணுது

சொக்கத் தங்கம் எப்பொழுதும் 

தகரமாகுமா...?

நித்தமும் என் நெஞ்சணையில்

உறக்கம் கொள்ளடி

நினைவுகளை மறந்து என்னுள் 

உறவு கொள்ளடி

எப்பவும் நீ எனக்கு இஸ்ர தேவதை - இணைந்து

நீயும் வாழ்ந்து விட்டால்

நானும் பெறுவேன் காமன் பண்டிகை...!

கவிஞர்: சாதுரியன்